Қидирбаев Бахрам Юлдашевич

e-mail: bahram-23@yandex.ru

Телефон:+99897 787-00-38

2003-2004 оқыў жылынан баслап Бердақ атындағы Қарақалпақ мәмлекетлик университети «Улыўма қурылыс» кафедрасы қурамында Қаракалпақстан Республикасы тарийхында биринши мәрте «Архитектура» бағдары бойынша талабаларды қабыл етиў басланды. Бул бағдардың Карақалпақ мәмлекетлик университетинде ашылыўында Республикаға хызмет көрсеткен архитектор Орынбай Төрениязов ӽәм «Улыўма қурылыс» кафедрасы баслығы проф.Кеңесбай Ибраимович Баймановлардың орынлары гиреўли болды.

2008-2009 оқыў жылында «Улыўма қурылыс» кафедрасы тийкарында «Архитектура» ҳәм «Қурылыс» кафедралары дүзилди. «Архитектура» кафедрасына доц.Рустам Ешниязов 2008-2014 оқыў жылына шекем бул кафедраны басқарды.

2009-жылы кафедра профессор-оқытыўшыларынан М. Пиримжаров кандидатлық диссертациясын жақлады. Кафедрада қоса ислеў тийкарында арх.и.д. проф. Ахтам Уралов, арх.и.д. проф. Орифжон Салимов, т.и.к проф. Рифкат Гимуш, арх.и.к. доц Яшнар Мансуровлар ислеп келмекте.

«Архитектура ҳәм қала қурылысы» кафедрасы 2014 жылы 2-сентябрьде «Архитектура» кафедрасы қурамына «Қала қурылысы ҳәм хожалығы» бакалавр бағдарының қосылыўы нәтийжесинде пайда болды. Сол ўақыттан баслап «Архитектура ҳәм қала қурылысы» атамасы менен қайта дүзилген кафедраны бүгинги күнге шекем Бахрам Юлдашевич Кидирбаев басқарып келмекте.

Ҳәзирги ўақытта кафедра профессор-оқытыўшылары Европа Аўқамының «Эрасмус +» фонды GREB атамасындағы жойбарында қатнасып атыр. Кейинги үш жыл даўамында кафедра профессор-оқытыўшылары кафедра доценти Р.Ешниязов 2015-жылы Упсала университетинде, Швеция, 2018-жылы Лакула университетинде, Италия, мастер-класслар өткерди.

Ж.Тургаев Италияның Лакула университетинде, Б.Қидирбаев Австрияның Зальцбург әмелий пәнлер университетинде, Б.Сейтеков ҳәм А.Турдыбаевлар Словенияның Construction Cluster of Slovenia университетинде қәнигеликлерин жетилистирип келмекте.

Усы күнге шекем кафедра зийрек студентлеринен 1 студент «Беруний» атындағы степендианты, 2 студент «Бердақ» атындағы стипендианты, 6 студент республикалық конкурс жеңимпазы болды.